मुंबई : समाजासाठी आपल्या कुटुंबाला दुय्यम स्थान देऊन देशसेवेचे कर्तव्य बजावणारे पोलीस, तसेच आरोग्य व स्वच्छता कर्मचाऱ्यांबद्दल देशभरातील नागरिकांनी टाळ्या, थाळ्या वाजवल्या होत्या. नंतर सैन्यदलाच्या हेलिकॉप्टर्सनी हॉस्पिटल्सवर पुष्पवृष्टीही केली होती. आता पोलिसांनीही मुंबईतील नागरिकांनी दिलेल्या सहकार्याबद्दल त्यांना धन्यवाद दिले आहेत.
मुंबईच्या पोलीस आयुक्तांच्या ट्विटर हँडलवरून ‘आभार मुंबई, आम्हावरील तुमच्या विश्वासासाठी, प्रणाम मुंबई, तुमच्या पाठिंब्यासाठी वचन मुंबई - मुंबई पोलीस आहेत नेहमी या शहराच्या संरक्षणासाठी...’ असं ट्विट करण्यात आलं आहे. मुंबई पोलिसांवरचा विश्वास दर्शवणाऱ्या प्रातिनिधिक मुंबईकरांच्या प्रतिक्रियांचा व्हिडिओही त्यात आहे.
